ಮಧುಮೇಹ [diabetes] ಬಂದರೆ ಯಾವ ಆಹಾರ ತಿನ್ನಬೇಕು? ಯಾವದು ತಿನ್ನಬಾರದು?
ಮಧುಮೇಹ ಆಹಾರ ಸರಿಯಾಗಿ ಪಾಲಿಸಿದರೆ Diabetes ಅನ್ನು ಸುಲಭವಾಗಿ ನಿಯಂತ್ರಣದಲ್ಲಿ ಇಡಬಹುದು.
ಇವತ್ತಿನ ಕಾಲದಲ್ಲಿ ಮಧುಮೇಹ ಸಮಸ್ಯೆ ತುಂಬಾ ಜನರಿಗೆ ಬರುತ್ತಿದೆ. ಒಮ್ಮೆ ಮಧುಮೇಹ ಬಂದರೆ ಅದನ್ನು ಸಂಪೂರ್ಣವಾಗಿ ಹೋಗಿಸುವುದು ಕಷ್ಟ. ಆದರೆ ಸರಿಯಾದ ಆಹಾರ ಪದ್ಧತಿ ಇಟ್ಟುಕೊಂಡರೆ ಅದನ್ನು ನಿಯಂತ್ರಣದಲ್ಲಿ ಇಡಬಹುದು. ಆದ್ದರಿಂದ ಮಧುಮೇಹ ಇರುವವರು ಯಾವ ಆಹಾರ ತಿನ್ನಬೇಕು, ಯಾವದು ತಿನ್ನಬಾರದು ಅನ್ನೋದು ತಿಳಿದುಕೊಳ್ಳುವುದು ತುಂಬಾ ಮುಖ್ಯ.
ಮೊದಲು ತಿನ್ನಬಹುದಾದ ಆಹಾರಗಳ ಬಗ್ಗೆ ನೋಡೋಣ. ಮಧುಮೇಹ ಇರುವವರು ಹೆಚ್ಚು ತರಕಾರಿಗಳು ತಿನ್ನಬೇಕು. ವಿಶೇಷವಾಗಿ ಸೊಪ್ಪು, ಕೋಸು, ಕ್ಯಾರೆಟ್, ಬೀನು ಇಂತಹ ತರಕಾರಿಗಳು ದೇಹಕ್ಕೆ ತುಂಬಾ ಒಳ್ಳೆಯದು. ಇವುಗಳಲ್ಲಿ ಫೈಬರ್ ಹೆಚ್ಚು ಇರುತ್ತದೆ ಮತ್ತು ರಕ್ತದಲ್ಲಿ ಸಕ್ಕರೆ ಪ್ರಮಾಣವನ್ನು ನಿಧಾನವಾಗಿ ಹೆಚ್ಚಿಸುತ್ತದೆ. ಅದರಿಂದ ದೇಹಕ್ಕೆ ಹಾನಿ ಆಗುವುದಿಲ್ಲ.
ಅದೇ ರೀತಿ ಸಂಪೂರ್ಣ ಧಾನ್ಯಗಳು ಕೂಡ ಉತ್ತಮ. ಉದಾಹರಣೆಗೆ ರಾಗಿ, ಜೋಳ, ಗೋಧಿ ಇಂತಹ ಧಾನ್ಯಗಳು ಮಧುಮೇಹ ಇರುವವರಿಗೆ ಉತ್ತಮ ಆಹಾರ. ಇವು ದೇಹಕ್ಕೆ ಶಕ್ತಿ ಕೊಡುತ್ತವೆ ಮತ್ತು ಹೊಟ್ಟೆ ತುಂಬಿದ ಅನುಭವ ಕೊಡುತ್ತವೆ. ದಿನಕ್ಕೆ ಒಂದು ಅಥವಾ ಎರಡು ಹಣ್ಣು ತಿನ್ನಬಹುದು, ಆದರೆ ತುಂಬಾ ಸಿಹಿ ಇರುವ ಹಣ್ಣುಗಳನ್ನು ಕಡಿಮೆ ಮಾಡಬೇಕು.
ಇನ್ನು ತಿನ್ನಬಾರದ ಆಹಾರಗಳ ಬಗ್ಗೆ ಮಾತಾಡಿದರೆ, ಸಕ್ಕರೆ ಇರುವ ಪದಾರ್ಥಗಳನ್ನು ಸಾಧ್ಯವಾದಷ್ಟು ಕಡಿಮೆ ಮಾಡಬೇಕು. ಕೇಕ್, ಸಿಹಿ ಪದಾರ್ಥಗಳು, ಸಾಫ್ಟ್ ಡ್ರಿಂಕ್ಸ್ ಇವುಗಳನ್ನು ಹೆಚ್ಚಾಗಿ ತಿನ್ನುವುದರಿಂದ ರಕ್ತದಲ್ಲಿನ ಸಕ್ಕರೆ ಮಟ್ಟ ಹೆಚ್ಚಾಗಬಹುದು. ಅದೇ ರೀತಿ ಹೆಚ್ಚು ಎಣ್ಣೆಯಲ್ಲಿ ಮಾಡಿದ ಫಾಸ್ಟ್ ಫುಡ್ ಕೂಡ ಆರೋಗ್ಯಕ್ಕೆ ಒಳ್ಳೆಯದಲ್ಲ.
ಮಧುಮೇಹ ಇರುವವರು ದಿನಕ್ಕೆ ಸ್ವಲ್ಪ ವ್ಯಾಯಾಮ ಮಾಡುವುದು ಕೂಡ ಮುಖ್ಯ. ಪ್ರತಿದಿನ ಕನಿಷ್ಠ ಅರ್ಧ ಗಂಟೆ ನಡೆಯುವ ಅಭ್ಯಾಸ ಇಟ್ಟುಕೊಂಡರೆ ಆರೋಗ್ಯ ಉತ್ತಮವಾಗಿರುತ್ತದೆ. ಸರಿಯಾದ ಆಹಾರ ಮತ್ತು ವ್ಯಾಯಾಮ ಇದ್ದರೆ ಮಧುಮೇಹವನ್ನು ಸುಲಭವಾಗಿ ನಿಯಂತ್ರಣದಲ್ಲಿ ಇಡಬಹುದು.
ಬೆಳಿಗ್ಗೆ ಎದ್ದ ಕೂಡಲೇ ಮಾಡಬೇಕಾದ 5 ಆರೋಗ್ಯಕರ ಅಭ್ಯಾಸಗಳು
ನಮ್ಮ ದಿನ ಹೇಗೆ ಶುರುವಾಗುತ್ತದೋ ಅದೇ ರೀತಿ ನಮ್ಮ ದೇಹ ಮತ್ತು ಮನಸ್ಸಿನ ಸ್ಥಿತಿಯೂ ದಿನವಿಡೀ ಇರುತ್ತದೆ. ಅದಕ್ಕಾಗಿ ಬೆಳಿಗ್ಗೆ ಎದ್ದ ಕೂಡಲೇ ಕೆಲವು ಆರೋಗ್ಯಕರ ಅಭ್ಯಾಸಗಳನ್ನು ಮಾಡಿಕೊಳ್ಳುವುದು ತುಂಬಾ ಮುಖ್ಯ. ಈ ಚಿಕ್ಕ ಚಿಕ್ಕ ಅಭ್ಯಾಸಗಳು ದೇಹಕ್ಕೆ ತುಂಬಾ ಲಾಭ ಕೊಡುತ್ತವೆ.
ಮೊದಲ ಅಭ್ಯಾಸ ಎಂದರೆ ಬೆಳಿಗ್ಗೆ ಎದ್ದ ಕೂಡಲೇ ಒಂದು ಗ್ಲಾಸ್ ನೀರು ಕುಡಿಯುವುದು. ಇಡೀ ರಾತ್ರಿ ನಮ್ಮ ದೇಹಕ್ಕೆ ನೀರು ಸಿಗುವುದಿಲ್ಲ. ಆದ್ದರಿಂದ ಬೆಳಿಗ್ಗೆ ನೀರು ಕುಡಿಯುವುದರಿಂದ ದೇಹಕ್ಕೆ ತಾಜಾತನ ಬರುತ್ತದೆ ಮತ್ತು ಜೀರ್ಣಕ್ರಿಯೆ ಕೂಡ ಚೆನ್ನಾಗಿ ಕೆಲಸ ಮಾಡುತ್ತದೆ.
ಎರಡನೇ ಅಭ್ಯಾಸ ಎಂದರೆ ಸ್ವಲ್ಪ ವ್ಯಾಯಾಮ ಅಥವಾ ಸ್ಟ್ರೆಚಿಂಗ್ ಮಾಡುವುದು. ಹೆಚ್ಚು ಸಮಯ ಬೇಕಾಗಿಲ್ಲ. ಕೇವಲ 10 ರಿಂದ 15 ನಿಮಿಷ ಸ್ಟ್ರೆಚಿಂಗ್ ಮಾಡಿದರೂ ಸಾಕು. ಇದರಿಂದ ದೇಹದ ಸ್ನಾಯುಗಳು ಚುರುಕಾಗುತ್ತವೆ ಮತ್ತು ದಿನವಿಡೀ ಉತ್ಸಾಹದಿಂದ ಕೆಲಸ ಮಾಡಬಹುದು.
ಮೂರನೇ ಅಭ್ಯಾಸ ಎಂದರೆ ಸೂರ್ಯನ ಬೆಳಕನ್ನು ಸ್ವಲ್ಪ ಸಮಯ ಪಡೆಯುವುದು. ಬೆಳಿಗ್ಗೆ ಸೂರ್ಯನ ಬೆಳಕು ದೇಹಕ್ಕೆ ತುಂಬಾ ಒಳ್ಳೆಯದು. ಇದರಿಂದ ದೇಹಕ್ಕೆ ವಿಟಮಿನ್ D ಸಿಗುತ್ತದೆ ಮತ್ತು ಮನಸ್ಸಿಗೂ ಶಾಂತಿ ಸಿಗುತ್ತದೆ.
ನಾಲ್ಕನೇ ಅಭ್ಯಾಸ ಎಂದರೆ ಆರೋಗ್ಯಕರ ಉಪಾಹಾರ ತಿನ್ನುವುದು. ಬೆಳಗಿನ ತಿಂಡಿ ಬಿಟ್ಟರೆ ದೇಹಕ್ಕೆ ಶಕ್ತಿ ಕಡಿಮೆಯಾಗುತ್ತದೆ. ಆದ್ದರಿಂದ ರಾಗಿ, ಇಡ್ಲಿ, ಉಪ್ಮಾ ಇಂತಹ ಆರೋಗ್ಯಕರ ಉಪಾಹಾರ ತಿನ್ನುವುದು ಉತ್ತಮ.
ಐದನೇ ಅಭ್ಯಾಸ ಎಂದರೆ ದಿನದ ಯೋಜನೆ ಮಾಡುವುದು. ದಿನದಲ್ಲಿ ಯಾವ ಕೆಲಸ ಮಾಡಬೇಕು ಅನ್ನೋದು ಸ್ವಲ್ಪ ಸಮಯ ತೆಗೆದುಕೊಂಡು ಯೋಚಿಸಿದರೆ ದಿನವಿಡೀ ಕೆಲಸ ಸುಲಭವಾಗಿ ಮುಗಿಸಬಹುದು.
ಒಂದು ವಾರದಲ್ಲಿ ಹೊಟ್ಟೆ ಕೊಬ್ಬು ಕಡಿಮೆ ಮಾಡೋ ಸರಳ ಟಿಪ್ಸ್
ಇವತ್ತಿನ ಕಾಲದಲ್ಲಿ ಬಹಳ ಜನರು ಹೊಟ್ಟೆ ಕೊಬ್ಬಿನ ಸಮಸ್ಯೆ ಎದುರಿಸುತ್ತಿದ್ದಾರೆ. ಹೆಚ್ಚು ಸಮಯ ಕುಳಿತು ಕೆಲಸ ಮಾಡುವುದು, ವ್ಯಾಯಾಮ ಇಲ್ಲದಿರುವುದು ಮತ್ತು ತಪ್ಪಾದ ಆಹಾರ ಪದ್ಧತಿ ಇವುಗಳಿಂದ ಹೊಟ್ಟೆ ಭಾಗದಲ್ಲಿ ಕೊಬ್ಬು ಸೇರುತ್ತದೆ. ಆದರೆ ಕೆಲವು ಸರಳ ಟಿಪ್ಸ್ ಪಾಲಿಸಿದರೆ ಹೊಟ್ಟೆ ಕೊಬ್ಬನ್ನು ಕಡಿಮೆ ಮಾಡಬಹುದು.
ಮೊದಲ ಟಿಪ್ ಎಂದರೆ ಹೆಚ್ಚು ನೀರು ಕುಡಿಯುವುದು. ದಿನಕ್ಕೆ ಕನಿಷ್ಠ 2 ರಿಂದ 3 ಲೀಟರ್ ನೀರು ಕುಡಿಯಬೇಕು. ಇದರಿಂದ ದೇಹದಲ್ಲಿರುವ ವಿಷಕಾರಿ ಪದಾರ್ಥಗಳು ಹೊರ ಹೋಗುತ್ತವೆ ಮತ್ತು ದೇಹದ ಮೆಟಾಬಾಲಿಸಂ ಉತ್ತಮವಾಗುತ್ತದೆ.
ಎರಡನೇ ಟಿಪ್ ಎಂದರೆ ಸಕ್ಕರೆ ಇರುವ ಆಹಾರಗಳನ್ನು ಕಡಿಮೆ ಮಾಡುವುದು. ಹೆಚ್ಚು ಸಿಹಿ ಪದಾರ್ಥಗಳು ಮತ್ತು ಸಾಫ್ಟ್ ಡ್ರಿಂಕ್ಸ್ ತಿನ್ನುವುದರಿಂದ ಹೊಟ್ಟೆ ಕೊಬ್ಬು ಬೇಗ ಹೆಚ್ಚಾಗುತ್ತದೆ. ಆದ್ದರಿಂದ ಇವುಗಳನ್ನು ಸಾಧ್ಯವಾದಷ್ಟು ಕಡಿಮೆ ಮಾಡಬೇಕು.
ಮೂರನೇ ಟಿಪ್ ಎಂದರೆ ಪ್ರತಿದಿನ ವ್ಯಾಯಾಮ ಮಾಡುವುದು. ವಿಶೇಷವಾಗಿ ನಡೆಯುವುದು, ಜಾಗಿಂಗ್ ಅಥವಾ ಸ್ಕಿಪ್ಪಿಂಗ್ ಮಾಡಿದರೆ ಹೊಟ್ಟೆ ಕೊಬ್ಬು ನಿಧಾನವಾಗಿ ಕಡಿಮೆಯಾಗುತ್ತದೆ. ದಿನಕ್ಕೆ ಕನಿಷ್ಠ 30 ನಿಮಿಷ ವ್ಯಾಯಾಮ ಮಾಡಿದರೆ ಉತ್ತಮ ಫಲಿತಾಂಶ ಸಿಗುತ್ತದೆ.
ನಾಲ್ಕನೇ ಟಿಪ್ ಎಂದರೆ ಹೆಚ್ಚು ತರಕಾರಿ ಮತ್ತು ಹಣ್ಣು ತಿನ್ನುವುದು. ಇವುಗಳಲ್ಲಿ ಫೈಬರ್ ಹೆಚ್ಚು ಇರುತ್ತದೆ. ಇದರಿಂದ ಹೊಟ್ಟೆ ತುಂಬಿದ ಅನುಭವ ಬರುತ್ತದೆ ಮತ್ತು ಹೆಚ್ಚು ತಿನ್ನುವುದನ್ನು ತಪ್ಪಿಸಬಹುದು.
ಐದನೇ ಟಿಪ್ ಎಂದರೆ ರಾತ್ರಿ ತಡವಾಗಿ ಊಟ ಮಾಡಬಾರದು. ಸಾಧ್ಯವಾದಷ್ಟು ಬೇಗ ಊಟ ಮಾಡಿ ನಂತರ ಸ್ವಲ್ಪ ನಡೆಯುವುದು ಉತ್ತಮ.
ಈ ಸರಳ ಅಭ್ಯಾಸಗಳನ್ನು ಒಂದು ವಾರದಿಂದಲೇ ಆರಂಭಿಸಿದರೆ ದೇಹದಲ್ಲಿ ಬದಲಾವಣೆ ಕಾಣಲು ಆರಂಭವಾಗುತ್ತದೆ.
ರಾತ್ರಿ ತಡವಾಗಿ ಮಲಗಿದರೆ ದೇಹಕ್ಕೆ ಆಗುವ ಅಪಾಯಗಳು
ಬಹಳ ಜನರಿಗೆ ರಾತ್ರಿ ತಡವಾಗಿ ಮಲಗುವ ಅಭ್ಯಾಸ ಇದೆ. ಕೆಲವರು ಮೊಬೈಲ್ ಬಳಸುತ್ತಾ ಅಥವಾ ಟಿವಿ ನೋಡುತ್ತಾ ರಾತ್ರಿ ಹೆಚ್ಚು ಸಮಯ ಕಳೆಯುತ್ತಾರೆ. ಆದರೆ ಈ ಅಭ್ಯಾಸ ಆರೋಗ್ಯಕ್ಕೆ ಒಳ್ಳೆಯದಲ್ಲ.
ಮೊದಲು, ರಾತ್ರಿ ತಡವಾಗಿ ಮಲಗಿದರೆ ಬೆಳಿಗ್ಗೆ ಸರಿಯಾಗಿ ಎದ್ದುಕೊಳ್ಳಲು ಆಗುವುದಿಲ್ಲ. ಇದರಿಂದ ದಿನವಿಡೀ ದೇಹದಲ್ಲಿ ದಣಿವು ಕಾಣಿಸುತ್ತದೆ. ಕೆಲಸ ಮಾಡುವಾಗ ಗಮನ ಕೂಡ ಕಡಿಮೆಯಾಗುತ್ತದೆ.
ಇನ್ನೊಂದು ಸಮಸ್ಯೆ ಎಂದರೆ ನಿದ್ರೆ ಸರಿಯಾಗಿ ಆಗದಿದ್ದರೆ ದೇಹದ ರೋಗ ನಿರೋಧಕ ಶಕ್ತಿ ಕಡಿಮೆಯಾಗಬಹುದು. ಇದರಿಂದ ಜ್ವರ, ತಲೆನೋವು ಮತ್ತು ಇತರ ಆರೋಗ್ಯ ಸಮಸ್ಯೆಗಳು ಸುಲಭವಾಗಿ ಬರಬಹುದು.
ಅದೇ ರೀತಿ ತಡವಾಗಿ ಮಲಗುವವರು ಸಾಮಾನ್ಯವಾಗಿ ತಡವಾಗಿ ಊಟ ಮಾಡುವ ಅಭ್ಯಾಸ ಇರುತ್ತದೆ. ಇದರಿಂದ ಜೀರ್ಣಕ್ರಿಯೆ ಸರಿಯಾಗಿ ನಡೆಯುವುದಿಲ್ಲ ಮತ್ತು ಹೊಟ್ಟೆ ಸಮಸ್ಯೆಗಳು ಉಂಟಾಗಬಹುದು.
ಮೊಬೈಲ್ ಬಳಕೆ ಕೂಡ ದೊಡ್ಡ ಕಾರಣವಾಗಿದೆ. ರಾತ್ರಿ ಮೊಬೈಲ್ ಹೆಚ್ಚು ಬಳಸುವುದರಿಂದ ಕಣ್ಣಿಗೆ ಒತ್ತಡ ಬರುತ್ತದೆ ಮತ್ತು ನಿದ್ರೆ ತಡವಾಗುತ್ತದೆ.
ಆದ್ದರಿಂದ ಪ್ರತಿದಿನ ಒಂದೇ ಸಮಯಕ್ಕೆ ಮಲಗುವ ಅಭ್ಯಾಸ ಮಾಡಿಕೊಳ್ಳುವುದು ಉತ್ತಮ. ಕನಿಷ್ಠ 7 ರಿಂದ 8 ಗಂಟೆ ನಿದ್ರೆ ಪಡೆಯುವುದರಿಂದ ದೇಹ ಆರೋಗ್ಯವಾಗಿರುತ್ತದೆ.
ಒತ್ತಡ ಕಡಿಮೆ ಮಾಡಲು 7 ಸರಳ ವಿಧಾನಗಳು
ಇವತ್ತಿನ ಜೀವನದಲ್ಲಿ ಒತ್ತಡ ಅಥವಾ ಸ್ಟ್ರೆಸ್ ತುಂಬಾ ಸಾಮಾನ್ಯವಾಗಿದೆ. ಕೆಲಸದ ಒತ್ತಡ, ಕುಟುಂಬದ ಸಮಸ್ಯೆಗಳು ಅಥವಾ ಹಣಕಾಸಿನ ವಿಚಾರಗಳಿಂದ ಹಲವರಿಗೆ ಒತ್ತಡ ಉಂಟಾಗುತ್ತದೆ. ಆದರೆ ಕೆಲವು ಸರಳ ವಿಧಾನಗಳಿಂದ ಒತ್ತಡವನ್ನು ಕಡಿಮೆ ಮಾಡಬಹುದು.
. ಮೊದಲು ಪ್ರತಿದಿನ ಸ್ವಲ್ಪ ಸಮಯ ವ್ಯಾಯಾಮ ಮಾಡಬೇಕು. ನಡೆಯುವುದು ಅಥವಾ ಯೋಗ ಮಾಡುವುದು ಮನಸ್ಸಿಗೆ ಶಾಂತಿ ನೀಡುತ್ತದೆ ಮತ್ತು ಒತ್ತಡ ಕಡಿಮೆ ಮಾಡುತ್ತದೆ.
. ಎರಡನೇ ವಿಧಾನ ಎಂದರೆ ಆಳವಾದ ಉಸಿರಾಟ ವ್ಯಾಯಾಮ ಮಾಡುವುದು. ಕೆಲವು ನಿಮಿಷಗಳು ನಿಧಾನವಾಗಿ ಉಸಿರಾಡಿದರೆ ಮನಸ್ಸು ಶಾಂತವಾಗುತ್ತದೆ.
. ಮೂರನೇ ವಿಧಾನ ಎಂದರೆ ಪ್ರಕೃತಿಯ ನಡುವೆ ಸಮಯ ಕಳೆಯುವುದು. ಉದ್ಯಾನವನದಲ್ಲಿ ಸ್ವಲ್ಪ ಸಮಯ ನಡೆದುಕೊಂಡು ಬಂದರೂ ಮನಸ್ಸಿಗೆ ನೆಮ್ಮದಿ ಸಿಗುತ್ತದೆ.
. ನಾಲ್ಕನೇ ವಿಧಾನ ಎಂದರೆ ಮೊಬೈಲ್ ಮತ್ತು ಸಾಮಾಜಿಕ ಜಾಲತಾಣಗಳಿಂದ ಸ್ವಲ್ಪ ದೂರ ಇರಬೇಕು. ಕೆಲವೊಮ್ಮೆ ಇವು ಕೂಡ ಒತ್ತಡಕ್ಕೆ ಕಾರಣವಾಗಬಹುದು.
. ಐದನೇ ವಿಧಾನ ಎಂದರೆ ಸ್ನೇಹಿತರ ಜೊತೆ ಮಾತನಾಡುವುದು. ಮನಸ್ಸಿನಲ್ಲಿರುವ ವಿಚಾರಗಳನ್ನು ಯಾರಾದರೂ ಜೊತೆ ಹಂಚಿಕೊಂಡರೆ ಒತ್ತಡ ಕಡಿಮೆಯಾಗುತ್ತದೆ.
. ಆರನೇ ವಿಧಾನ ಎಂದರೆ ಹವ್ಯಾಸಗಳನ್ನು ಬೆಳೆಸಿಕೊಳ್ಳುವುದು. ಸಂಗೀತ ಕೇಳುವುದು, ಪುಸ್ತಕ ಓದುವುದು ಅಥವಾ ಚಿತ್ರ ಬಿಡಿಸುವುದು ಇಂತಹ ಹವ್ಯಾಸಗಳು ಮನಸ್ಸನ್ನು ಹಗುರ ಮಾಡುತ್ತವೆ.
ಈ ಸರಳ ವಿಧಾನಗಳನ್ನು ದಿನನಿತ್ಯ ಜೀವನದಲ್ಲಿ ಪಾಲಿಸಿದರೆ ಒತ್ತಡವನ್ನು ಕಡಿಮೆ ಮಾಡಿ ಸಂತೋಷದಿಂದ ಬದುಕಬಹುದು.
ಇದೇ ತರ ಇನ್ನಷ್ಟು ಸುದ್ದಿಗಾಗಿ ಇಲ್ಲಿ ಕ್ಲಿಕ್ ಮಾಡಿ : https://skkannada.in/